पुणे : आधुनिक स्थापत्यशैलीत लोप पावलेल्या व भारतीय ठेवा असणाऱ्या ‘झरोक्या’ला पु. ना. गाडगीळ आणि सन्स लि.ने दागिन्यांच्या नव्या कलेक्शनचा अविभाज्य अंग बनविला असून, आकर्षक झरोका कलेक्शन सादर केले आहे. पु. ना.गाडगीळ आणि सन्सच्या पुण्यासह महाराष्ट्रातील सर्व दालनांमध्ये हे कलेक्शन उपलब्ध आहे.
onlinepng.com वरही याची ऑनलाइन खरेदीसाठी करता येणार आहे.
पु. ना. गाडगीळ आणि सन्स लि.चे अध्यक्ष-संचालक, अजित गाडगीळ म्हणाले, ‘झरोका कलेक्शन आपल्या ऐतिहासिक ठेव्याचे प्रतीक आहे. पूर्वी स्त्रियांसाठी ‘झरोका’ महत्वाचा घटक होता. कारण यातूनच त्या बाहेरील विश्वात सुरू असलेल्या घटनांची अनुभूती घेत होत्या. स्त्रियांसाठी भावनीक नाते असलेल्या या ‘झरोक्या’ला आम्ही दागिन्यांच्या रचनेमध्ये स्थान दिले आहे.’
‘या झरोका कलेक्शनमध्ये पेडंटस् आणि टॉप्सची १८ डिझाइन्स आहेत. विविध प्रकारचे खडे व स्वारोस्की, क्रिस्टल मोत्यांचा वापर यात केला असल्याने याची सुंदरता खुलली आहे. लाइट वेट असणारे झरोका कलेक्शन पारंपरिक व मॉडर्न शैलीच्या कपड्यांवर परिधान करता येऊ शकते. या कलेक्शनमध्ये आणखी दागिने या वर्षी सादर करण्यात येतील,’ असे पु. ना. गाडगीळ आणि सन्स लि.चे संचालक-सीईओ अमित मोडक यांनी सांगितले.
